طبیبم بیشن دس وم بکیشه
کم وه نجاتم نقشه بکیشه
مه خوم خو زانم گرفتار چم
نه نفرین کردگ نیشه م بیمه چم
نه چی رفیقیل نعشه خمارم
یا چی قماریل تا سوب بیدارم
نه چی تاجریل کشتی غرق بیمه
یا چی شو کوری رعد و برق دیمه
دردی که دیرم درمانه نیه
چونکه دلگم قیامت دیه
بیمار وه دس یه چو خمارم
صیادی بد شانس کشته شکارم
لیو خنگه آگر خیده گیان
کافر وه کفره کیده پشیمان
سیاه زلفگه رنگ بختمه
دل ده کنسن مرگ سختمه
ای ویرانگر زیبای نامید
بیچاره کشتن رسم مرامه؟
